宣布周六「復出」！羅志祥叫網民「滑」走佢啲醜聞

台灣天王羅志祥（小豬）2020年被前度周揚青爆出淫亂史，兩人不歡而散，但最近被網民舉出復合證據！雖然係咪復合就唔知，但復出就一定喇，尋晚佢就高調公布復出第1擊！

早前小豬被前經理人孫德榮爆會開設個人影片頻道，佢正式宣布此事，更透露會喺本周六（27日）發布第1條片，仲溫馨提示大家搜尋佢頻道名時可能會搵到佢去年啲醜聞，講笑話：「可能會看到我去年一些不好的新聞，要滑掉哈！」由佢公布到依家，訂閱者已經有10倍增長，超過7,000人！

佢仲化身「橘子哥」，喺網上回應提問，叫佢唱歌就唱歌，叫佢講打氣說話又講，仲有人叫佢同香港粉絲Say Hi，佢都有求必應，仲搞笑以「吳宗憲」嚟回答「走甚麼路線」，不斷氹大家開心！

而上個月佢喺社交網更新2021年第一條動態時，就首次用「我回來了」同大家打招呼。雖然有唔少粉絲期待佢復出，但都有網民唔Buy，「因為這德行還能賺錢發財我不開心」、「怎麼滑也難滑掉『時間管理大師』這稱號了」、「臉皮厚吃的肉」！