【吃貨孕婦】湯怡犯禁食雪糕?自嘲大食到唔敢上磅

20210224
東網電視
更多新聞短片
藝人湯怡上月宣布有喜兼與排舞師麥秋成結婚,雙喜臨門,獲一眾粉絲及網民送祝福。二人將於後日(26號)拉埋天窗,雖然婚期將至,但新娘子未有減吃keep住身形,反而狂食做吃貨孕婦,一時食台灣牛肉麵,一時食芋圓糖水,佢自嘲:「最近好大食,大食到唔夠膽上磅。」
同樣係大肚婆嘅余香凝似乎好有同感,留言撐佢繼續食:「生完先算。」網民對於佢佗第1胎零舍緊張,見到甜品裏面有雪糕,即提點大肚婆唔好食凍嘢。湯怡向來注重健康,孕婦禁忌食物又點會破戒,佢表示:「雪糕點輪到我食只吖!」原來係同佢「麥蜜拍」嘅麥秋成食個甜品,有未婚夫悉心照顧,大家唔使擔心啦。