【子女復課】藝人親自送返學 楊洛婷囡囡趕到喺車上換衫?

20210224
東網電視
更多新聞短片
學校開始復課,唔少藝人家長親自陪伴子女迎接重要嘅一天,日前宣布再佗B嘅楊洛婷,今日準時7點鐘揸車送囡囡Tanya返學,先晒出囡囡着住睡衣嘅相,兩母女齊齊擺出伸脷表情,十足餅印一樣。之後再上載嘅短片,Tanya已換好校服、並戴上口罩,對住鏡頭講早晨兼唱歌,仲話可以返學好開心,未知係咪太趕所以喺座駕上面換衫呢?
育有2子1女嘅黃祥興,分享尋晚氹哥哥瞓覺嘅對話,話說今日要返學,黃祥興叫囝囝早啲去瞓覺,囝囝就出嗲功要爸爸陪,仲話希望爸爸有1千歲,咁樣就可以陪佢耐啲。面對住小朋友嘅童真,黃祥興陪伴囝囝瞓着先離開,平日man爆嘅佢更忍唔住落下男兒淚,sweet爆留言:「我會盡我所能陪你耐啲,最緊要身體健康。」所以話有爸的孩子像個寶!
張頴康與麥雅緻前日亦親自揸車送囡囡小豆返學,透露囡囡期待見同學仔,緊張到瞓唔着!相中見小豆返到學校有機械人迎接開學,1家3口亦同老師合照,紀錄復課嘅第1天。