李幸倪5年後再踏足TVB　似見番老朋友

環球歌手李幸倪（Gin Lee）、華納歌手林欣彤（Mag）及Sony歌手葉巧琳（Mischa），到將軍澳電視城出席「音樂永續 樂壇同享」記者會，象徵無綫與三大唱片公司破冰。Gin笑言：「自從2016年後冇再嚟過TVB，仲記得第一次嚟係2010年同Mag同台（《超級巨聲》），依家返嚟感覺好開心，好似見番舊朋友咁樣。」Mag亦謂：「以前睇呢度覺得好大，但可能個人長大咗，同埋以前比賽太緊張，依家就冇咗呢種感覺。」

講到3人可現身TVB、ViuTV不同電視台，Mischa表示是好事，可以到不同平台亮相，2邊走不會尷尬，反而開心，Mag亦謂有時睇電視都會有想回來唱歌的感覺，現時樂壇可百花齊放，3女亦表示期待crossover合作。問到期待上《勁歌金曲》總選？3女即大表期待，問到可想攞「最受歡迎女歌星」？ Mag表示：「嘩！盡力啦。」Gin亦笑言：「一齊玩吓囉，可以嘅，一齊加油。」