麥美恩隔離完成出關　駱胤鳴幫手「剪綵」

藝人麥美恩（Mayanne）早前於農曆新年，靜悄悄由溫哥華飛回香港並接受隔離，故喺過年期間也只得自己孤零零一個喺酒店房度過。日前佢終於完成隔離可以出關，佢喺社交網晒出多段短片，見佢離開酒店時非常興奮，不斷與酒店房道別，踏出酒店後更獲好友駱胤鳴親自迎接。

2人不但立即擁抱，駱胤鳴更為佢進行「剪綵儀式」剪走手帶，終於「釋放」嘅Mayanne，第一時間竟然係向剛剛新婚嘅好友?利是，相當搞笑。Mayanne留言表示：「每日早睡早起，每日懷疑人生，每日搵新目標，每日搵新嘢學，每日去睇邊個喺門口，每日要搵人video call，咁......就一日x21，感恩！好多人關心自己，人一無聊，真係好有創意，會更珍惜一切。」