做咗阿媽都咁弗！陳法拉生日激罕晒比堅尼照

尋日（24日）係陳法拉39歲生日，剛成為新手媽咪嘅佢一定過得好特別，梗係啦，有囡囡「小米妮」同老公Emmanuel慶祝喎！Emmanuel仲為佢準備咗個靚靚生日蛋糕，齊齊吹蠟燭，幾咁幸福呀，法拉都喺社交網留言：「這是最特別的生日。我第一次做母親......很感謝所有朋友對我送上的生日祝福和愛。我很感恩有你們在我的人生中。謝謝媽媽帶我來到這個世界。」

陳法拉又喺限時動態分享佢同好友喺百慕達時嘅合照，素顏上陣嘅佢激罕比堅尼上陣，真係不減當年勇呀！