感恩老婆煮嘢食!蕭正楠幫黃翠如改名「廚如」

20210225
東網電視
更多新聞短片
藝人蕭正楠(Edwin)在將軍澳電視城為myTV SUPER煮食節目《Testing Menu》舉行記者會。節目中Edwin跟10位星級廚師下廚炮製美食,問到煮餸時可有蝦碌情況?他說:「好少,因為唔係亂嚟,啲廚師好嚴謹,要跟足佢哋嘅步驟,今次學咗好多,慳咗唔少學費,畀錢都學唔到,(有冇諗過進修廚藝?)如果節目有機會開續集,就可以繼續跟米芝蓮廚師學嘢。(有冇煮畀翠如食?)都有嘅,佢呢排升級咗叫『廚如』煎糕好好食。(喺節目學定煲豬腳薑準備生B?)咁啱啫。我哋生BB睇緣分、好隨意。」
疫情下節目早前拍攝時因其中一位廚師被列為緊密接觸者,令Edwin也要到隔離營,他說:「個廚師都冇事,過咗去都唔想再提。不過,去過隔離營食過啲嘢之後都有啲諗法,如果同啲廚師咁啱喺裏面,可以煮啲米芝蓮餐畀大家試吓!」