編劇主演一腳踢！謝曉瑩構思粵劇網路版與時並進

粵劇團「金靈宵」創團人高潤鴻及謝曉瑩率眾演員為新劇目《重生趙飛燕》舉行開鏡儀式，劇目由謝曉瑩構思、編劇及主演，她透露因為現在很流行「重生」小說，於是便把《重》網絡版設計成類似宮鬥遊戲，讓女主角選擇跟誰在一起。

她表示：「網上劇會拍1集，但有4個結局，讓觀眾可以主角嘅角度作出選擇，從而決定重活一次嘅趙飛燕嘅結局。（點解會有咁嘅構思？）我要趁年青做一啲特別嘅事情，粵劇係傳統戲劇，我哋認為應該盡量做到與時並進，同社會接軌。呢個係我同團隊工作人員一齊構思，同年青人嘅遊戲類似，我哋運用實景拍攝，全部都係好突破嘅元素。除咗網絡版，將來仲會有一個全粵劇演出版，希望能吸引粵劇新觀眾。」