陳葦璇唔怕落妝上鏡 李浩軒「處男」拍戲

2021年02月25日 19:50
東網電視
更多新聞短片
陳葦璇及李浩軒試玩乒乓波及巨型保齡球。
歌手陳葦璇及李浩軒今日現身遊戲樂園出席活動,席間大玩乒乓波及巨型保齡球,後者更抵死化身人肉保齡球樽任葦璇攻擊!2人均笑指受ViuTV選秀節目《全民造星III》帶挈密密賺外快,其中葦璇搞笑話:「可以再多啲!依家多咗家庭觀眾認識,都多咗啲贊助、廣告,目前就忙於宣傳新歌《本日終了》。」
李浩軒亦透露3月會推出新歌,又講到早前跟鄭伊健及任賢齊拍攝「處男」電影,飾演輕度智障,跟現實甚大反差:「依家戲院開番,希望可以快啲上映,睇番自己嘅演出。(同伊健、小齊對戲緊張?)唔會,覺得好舒服,佢哋好樂意教我,當我仔仔咁照顧。」
問到葦璇會否希望如李浩軒一樣踩入影壇?她表示有機會都好想,目前正主持ViuTV節目《囝囝女女730》,對綜藝節目大感興趣,更揚言不怕玩到以素顏示人:「最叻落妝!近呢半年好鍾意自己素顏個樣,好自然,唔一定要上妝,又唔會話因為參加比賽好忙搞到好殘,素顏上鏡都冇乜嘢,私下好注重養生,會飲檸檬水,又會煮自己嘢食,咁就少味精。」