捲林作訓練費風波　鍾培生：我冇義務找數

有人拍片向「百億富三代」鍾培生追數？近日麥明詩舊愛林作，因為100萬抽水風波，惹怒鍾培生撩上擂台隻揪，口水戰持續多日。

早前林作現身拳館向資深搏擊教練向柏榮拜師學藝，似乎認真備戰，不過擂台戰未知打唔打得成，就有人向鍾培生追教拳費，據知林作當日未有交拳費。林作回覆東網表示：「係我下線介紹我去學拳，去到先知練拳費咁貴，因為係賽事級1對1，所以要千幾蚊一堂，現場有個人好慷慨，幫我找咗數，話願意贊助我。（鍾培生有冇講過幫你交練拳費？）咁又冇講過。」至於後來對方為何向鍾培生追數，林作也不得而知。至於無辜涉找數事件的鍾培生，在社交平台稱沒有義務找數，他說：「我言出必行，從未出現唔找數，同時只會早咗找或找多咗。」