疫情下有工開　陸詩韻蕭凡軒拍住搵真銀

在疫情下各行各業都受到重創，雖然不少藝人幕前工作減少，但藝人陸詩韻近日與蕭凡軒被廣告商睇中，孖住齊齊為醫美中心做代言人搵真銀，兩人齊齊換上西裝同便服造型拍攝照片，兩人表現專業，與團隊合作得非常愉快。

陸詩韻坦言好開心能夠喺疫情下，被廣告商睇中做代言人：「疫情下好多行業冇工開，好開心客戶搵我，成個過程好順利，都係拍咗4-5個小時，好快就拍出大家想要嘅感覺。」而本身創立美容品牌嘅佢，坦言雖然受疫情影響，但好開心生意有增長：「2020年比起2019年係有增長嘅，有10倍以上嘅，好感恩，所以嚟緊都會擴充生意，除咗引入其他品牌，自己品牌都會有多啲唔同產品。」