薛家燕將好運傳畀2個女:希望佢哋抽多啲時間拍拖!

20210226
東網電視
更多新聞短片
藝人薛家燕以代言人身份出席廚具活動,笑言由去年年尾開始就好運:「《天天開運王》幾位師傅都算到我今年喜事重重、紅鸞星動,首先就係我個新抱有喜。」她表示個幾月前接到此廣告,笑言可能廣告商覺得她出得廳堂、入得廚房,自己又喜歡下廚:「知道新抱有咗之後,我嗰晚都瞓唔着,第二日就即刻問朋友煲咩湯補身,我都會煲多啲好湯、炒多啲好餸畀新抱食,但佢話唔使咁多,因為要循序漸進,同我哋嗰時唔同,所以依家就1個禮拜煲1、2次湯畀佢。」
問到是否想仔女再開枝散葉?她笑言:「梗係啦,我都生咗3個,我仲有2個女未結婚,都希望佢哋快啲,唔好太忙,嚟緊1年我都唔會做咁多嘢,因為要抽時間湊孫,所以個女都可以唔使咁多嘢做,抽時間拍拖。」講到師傅指她紅鸞星動,她笑言:「我好多人追㗎,只係睇我心唔心動啫,不過其實紅鸞星動都指得到好多人喜愛,有好多觀眾支持,我都多謝《天》咁好反應,由25集加到30集。」另外,談到今日元宵節,她笑言會隔住個Mon與男友食湯圓慶祝。