譚俊彥爆料秘密簽字結婚?湯洛雯咁回應

20210226
東網電視
更多新聞短片
譚俊彥今日玩爆料?
藝人譚俊彥與湯洛雯(靚湯)今日現身劇集《失憶24小時》的宣傳活動,譚俊彥在活動中寫上Get Married,似是向靚湯催婚,他否認:「冇得催,佢哋咁大個人,順其自然。可能佢哋已經簽咗字呢!」靚湯沒好氣說:「你哋去查吓就真相大白。」
靚湯指忘記今日是元宵,工作後會回家陪家人,冇預男友馬國明,講到男友將北上個多月拍劇,靚湯笑謂也不清楚對方甚麼時候出發及回來,但幸好可以視像見,譚俊彥自言以前離家工作,連睡覺也會開視像,可以聽到太太及小朋友的聲音令他安心。
另外,譚俊彥表示有讓女兒看自己的新劇,但對方看得太投入而喊:「佢睇第一集就喊,話點解爸爸要離開媽咪,睇到我畀人打又喊,佢話唔要睇。(你細個有冇睇阿爸演嘅戲?)有,我睇到佢攞刀殺人,我話快啲報警,我老竇殺咗人。」他稱之後的劇情不能讓小朋友觀看,因跟靚湯有親密戲,他會抱起靚湯:「我睇都有啲驚,因為我冇着上身衫,我當時未減肥,個人肥嘟嘟咁。我依家睇到劇中嘅自己都忍唔住即刻去跑步。」靚湯指拍畢該場口也不敢看回放,因太怕醜。
靚湯謂小時候也有看爸爸湯鎮宗演的劇集,講到日前她將自己兒時與爸爸的合照放上網,她大讚爸爸靚仔:「有網民話佢係小鮮肉,我條眉係同佢一模一樣,細個畀人笑,話係紫菜眉,搞到我喊,後來潮流興粗眉,大個先覺得粗眉有用。(點解無端端出賣爸爸張相?)係爸爸send張相畀我,佢話幾靚,應該係讚我。」