郭晉安驚阿女睇番《戇夫成龍》：咁就大件事

藝人郭晉安（安仔）與譚凱琪（Zoie）今日出席劇集《失憶24小時》宣傳活動，Zoie稱每當電視播出自己的鏡頭時，會即時抱着BB睇：「佢有望實，佢太鍾意睇電視，但我平時唔會畀佢睇，因為佢太細個。」安仔表示也有讓女兒觀看自己的新劇：「佢依家返學少睇，因為佢9點要瞓，我會錄起，等佢星期六日睇，佢又會識得笑，會有癮好想睇。佢對娛樂圈好敏感，覺得好神奇，喺劇中會變咗另一個人咁。（你有冇畀佢睇以前嘅劇？）冇，等佢大個啲先，但可能佢自己會搵嚟睇，如果畀佢睇番《戇夫成龍》咁就大件事。」

講到今日是元宵佳節，Zoie坦言自從女兒出世後就未有特別慶祝，但開心每個節日都可以一家三口度過，並已準備湯圓應節。至於安仔指也要買定湯圓慶祝，因為稍後便要北上離港50多天拍《白色強人II》，問到隔離期會做甚麼？他笑言：「我會帶糯米同臘腸煲飯食，仲會敷面膜同熟讀多次劇本。」