陳詩欣自嘲肚腩大到望唔見腳趾　戴祖儀留言引人遐想

喺農曆新年呢個假期唔少人都盡情食年糕同蘿蔔糕等美食，最後就梗係搞到體重節節上升！好似出名有靚身形嘅陳詩欣咁，佢就喺社交網晒出之前船P時影嘅靚相，話過完年圓潤咗，決心要同肚腩講再見，仲搞笑話就嚟企喺度睇唔到腳趾。

唔少網民都話佢身形咁Fit肥少少都冇問題，當中戴祖儀嘅留言就最引人遐想：「睇唔到腳趾係因為其他嘢太凸?。」佢仲整個流口水嘅公仔作結尾，如果唔睇人名，真係以為有人性騷擾緊陳詩欣！