繼胡定欣之後！陳山聰仔仔睥實胡諾言

藝人陳山聰嘅7個多月大囝囝陳霆軒（Jaco），近日成為最強小鮮肉被好多人爭住集郵，連視后佘詩曼（阿佘）趁尋日元宵佳節都要嚟探Jaco，Jaco一見到阿佘即展露笑容，令陳山聰忍唔住笑稱：「我已經睇到佢將來想揀咩女朋友」。

Jaco經常笑面迎人，大個一定係開心果，不過凡事都有例外，繼被胡定欣抱住時嘴扁扁，呢日陳山聰帶囝囝到訪胡諾言（胡仔）屋企，當Jaco被胡仔抱住時竟睥實對方，面露不悅。

Jaco似乎對姓胡嘅人與別不同，胡定欣睇到張相即笑指︰「我個心舒服晒﹗」而陳山聰亦道出重點︰「再一次證明我大佬對姓胡嘅有一定嘅獨特感情。」