玩足2個月終於返港！陳瀅孤獨搭飛機晒名牌包包

上年12月飛到加拿大過聖誕及新年嘅陳瀅，喺當地留咗2個月，尋日佢終於返嚟香港喇！佢喺社交網直擊，上載多條由當地機場、搭飛機及到香港嘅片及相，成個過程佢都好孤伶伶，仲「包機」返嚟，佢都忍唔住話「my empty and quiet journey from yvr to hkg ?（我從溫哥華到香港空虛同寧靜嘅旅程）」，不過就好彩有個完美日落下伴隨。

佢解釋到港後做咗2次測試，跟住就直接去酒店隔離21日，佢又叫大家有咩問題可以問佢。啲相及片都見唔到佢，不過當中佢個名牌包包就搶晒鏡喇！而尋日元宵節，身在酒店嘅佢就獲送上玫瑰花！佢嘅好姊妹何雁詩及其老公鄭俊弘、蔡思貝等都留言歡迎佢返嚟！