Lady GaGa愛犬被綁架後首開腔　讚被槍擊狗保母英雄

美國天后Lady GaGa的3隻愛犬Koji、Gustav與Miss Asia，周三晚由狗保母Ryan Fischer在荷里活放狗時，被私家車中跳出的持槍劫匪搶去Koji與Gustav，Ryan反抗時心口更連中4槍受傷。

正在意大利羅馬拍攝新片《Gucci》的GaGa，事後首度於社交網站發言，表示：「我嘅愛犬Koji同Gustav兩晚前喺荷里活被人搶咗。我個心好痛，我祈禱希望家庭可以喺人嘅善行之下再次完整。我懸紅50萬美元（約390萬港元），畀可以安全帶佢哋畀我嘅人。如果你係無意之中買咗或者搵到佢哋，個報酬都係一樣。」

GaGa又多謝狗保母Ryan：「我會繼續咁愛Ryan Fischer，你為咗我嘅家人用你生命去冒險戰鬥。你永遠都係一個英雄。」Ryan估計可以完全康復，其家人受訪時透露：「Ryan依家喺醫院接受好好嘅治療，佢嘅醫生認為佢可以完全好番。我哋點樣同救護人員、護士同醫生講多謝都唔夠，佢哋為咗照顧Ryan不辭勞苦。」