上過鄭俊弘屋企　譚嘉儀讚地方闊落

藝人鄭俊弘（Fred）和譚嘉儀為《流行經典50年》錄影，早前鄭俊弘和老婆何雁詩獲邀拍《天天開運王》節目，他們的大埔愛巢亦曝光，嘉儀表示曾上過Fred屋企食飯，大讚地方闊落、裝修靚又舒服，Fred自爆初時也介意公開家居：「但公司同我講，計1人1騷，我就話好啦！老婆聽到1人1個騷，都話照做！」嘉儀即取笑Fred好現實。Fred透露唯一冇公開睡房，問幾多個騷才肯公開？他笑言睡房太私人，不過師傅當日亦有進睡房為他睇風水，並建議他要擺放植物，問是否為催生B？他說：「唔知催乜？只話床位同廁所位對住唔係咁好，要放植物化解。」嘉儀表示不介意家居曝光，笑言屋企人全都曝過光。

提到有無綫編導的親友確診，曾與該編導接觸的百多名同事，要接受新冠病毒測試，2人表示沒有接觸過該編導所以不用檢測，也不擔心，相信公司安全，開廠用的咪，用前會自行清潔。