王子準備做老竇？網民：快啲同鄧麗欣結婚！

前台灣男團棒棒堂出道曾紅極一時，至2009年解散後六子小煜、敖犬、小傑、王子（邱勝翊）、阿緯同威廉各自發展，相隔10年後先有機會再次合體。近年幾乎「一年一會」嘅佢哋，適逢成員小煜上月榮升爸爸，日前就再度聚頭探望BB。王子於社交網大晒合照，留言：「下一次合體，就是有人再生baby。猜猜會是誰？」即令網友猜測佢暗示自己有意做爸爸，紛紛祝福佢同女友鄧麗欣早日拉埋天窗組織家庭。