張敬軒遮遮災難式名菜　第2位受害者出現了！

歌手張敬軒嘅工人姐姐（遮遮）「持家有道」，朝朝為軒仔帶來平淡中又有驚喜嘅早餐，令人聞「遮」喪膽！曾經唔少人都想試吓遮遮嘅災難式名菜，睇吓係咪真係咁差，估唔到終於有第2位受害者出現！

佢就係軒仔死黨王菀之（Ivana）喇，佢喺社交網話：「好少出街，不過有啲人，突然想見。。。或者咁講，有啲年，係要開嘅！我得到一份宵（消）夜#赤口anytime#澱粉無極限」佢上載咗遮遮式早餐，包括幾塊白麵包及2罌醬料，網民都笑言：「淨係睇張枱墊同啲麵包已經知道你見咗邊個人！」、「仲以為張生update，個餐枱同個碟咁熟口面嘅。?」DJ朱薰都話：「早餐同宵（消）夜一樣，無限輪迴！?」

不過Ivana就為遮遮平反話「yummy?」，而軒仔見佢唔夠飽，醒咗幾塊年糕過佢歎，軒仔留言：「阿遮話#招呼唔到#個意思係你嘅食量佢招呼唔島#佢動心嗰島名#佢話佢瞓先」又為網友帶來歡來喇！