陳明恩酒店隔離為B仔搞百日宴　小Jaydon做拱手好精靈

藝人陳明恩去年11月在澳洲誕下B仔鄭源（Jaydon Patrick），老公Eddy停工2個月飛澳洲陪產，早前他們一家三口已返港，正在酒店接受檢疫隔離，隔離日子他們並不寂寞，試過食外賣慶祝結婚4周年，今日就為兒子舉行網上百日宴。

他們在酒店內掛上氣球「JAYDON 100 DAYS」作裝飾，並正式向親友介紹混血B中英文名，Eddy說：「中文名來自經文，叫阿泉唔係幾好聽，所以就叫鄭源。」英文名Jaydon的串法就代表感恩，明恩亦感恩說：「有1年時間想有BB，結果喺疫情下有，工作唔多，錢唔夠，有好多擔憂，但有神祝福，我哋冇缺乏。」

而B仔瞓醒和飲飽奶後，眼仔睩睩，雙手長期做拱手動作，明恩笑指BB自新年後便不停拱手。他們的百日宴直播，因老公又要拍又要上鏡，故鏡頭搖擺不定，有時又忘記揸咪致無聲，雖然烏龍百出，但正如他們所講，純粹自high！