汪明荃力推網上教粵劇:令觀眾懂得點欣賞

20210301
東網電視
更多新聞短片
汪明荃希望大家可以更深入了解粵劇。
藝人汪明荃以「八和會館」主席身份出席「八和頻道」開幕禮,她表示花了數月時間籌備該粵劇網上學堂頻道,由逾350位粵劇從業員參與製作,共40集,每集10分鐘,望透過該頻道令大家對粵劇有更深入及完整的理解:「粵劇一直冇好正規嘅課程,又唔似芭蕾舞咁有考試,今次呢個學堂可以為大家提供一啲根據同基礎,令觀眾更懂得點去欣賞粵劇。」她坦言疫情有危亦有機:「覺得疫情期間應該要做啲嘢,如果唔係疫情大家唔使開工,否則都聚集唔到咁多人去做呢件事。」
汪明荃透露今次未有參與演出,主要負責邀請嘉賓及監察工作。至於老公羅家英則是頻道召集人,他由頭跟到尾,做了大量資料搜集及指導,非常辛苦。汪明荃稱對方現身在內地接受隔離為拍攝電影作準備:「佢就慘啦!佢依家喺上海隔離14日,之後去到橫店又要隔離多14日。」