短裙上陣有冇走光？陳庭欣畀人鬧好開心

藝人陳庭欣（Toby）下午出席宣傳活動時、以一襲超貼身短裙現身，擺甫士時可謂「一步一驚心」，她笑言隨時有走光機會：「呢條裙幾年冇着，可能我最近又高咗，條裙又縮咗水啦，所以有咁嘅效果。依家仲着得返，真係都好開心。」

談到《陀槍師姐2021》內她出盡陰招，與宣萱爭陳豪，角色犯眾憎，問到她在街上可有被途人鬧爆？她笑答：「其實有啲觀眾睇咗網上版追晒，都覺得我個角色好乞人憎，開始畀人鬧嘞。我好變態，依家出街如果有人鬧，我會仲好開心呀。」

問到她現實生活中可有試過被男友的前度騷擾？ Toby答：「好彩冇。（有冇試過翻撻前度？）亦冇，我每段感情分手都會搞得好清楚，分手後都唔會再聯絡。（介意男友同前度約會嗎？）如果普通聯絡冇所謂，單獨食飯就唔係咁好囉，個心都會唔舒服。」