【吳孟達3.7設靈】追思會取消　古天樂發文悼念

資深藝人吳孟達於上周六因肝癌逝世，已定於3月7日於紅磡世界殯儀館地下敬禮堂設靈，以基督教儀式舉行，而8號的大殮儀式後，其靈柩將會奉移柴灣歌連臣角火化場進行火化，而其好友田啟文受訪時表示一切喪禮細節於日內再傾，而之前指會搞的追思會則取消。

田啟文透露吳孟達患病的始末：「佢1月中喺澳門接受心臟手術後，醫生建議佢再做身體檢查，之後就發現腎上腺上面有腫瘤，已經擴散至末期，佢即刻返香港入院治療，做完第1次化療仲嚴重咗，做第2次叫做暫時控制住。」對於吳孟達一直低調病情，田啟文指全因不想其90多歲的母親擔憂：「佢媽咪都係到吳孟達離開嗰日，醫生叫有咩親人要見先知，咁當然好傷心。」

曾合作多部電影、演藝人協會會長古天樂今日在社交網發文悼念：「他飾演老奸巨猾的商人渾身是戲，和他合作真是令我十分難忘。相信所有影迷和我都一樣，會永遠記住達哥的精彩演出，他的精神永存於許多經典作品之中。」