【為敖嘉年任嘉賓】郭政鴻重返樂壇「派台」唱歌

藝人敖嘉年主持網上節目，請來好友郭政鴻做嘉賓，多年前曾合作劇集《覆雨翻雲》，平日話題多講功夫，但節目上他們卻講音樂，郭政鴻去年推出新歌《衝》，不說不知，他其實參加過第4屆新秀：「我輸在唱得唔好囉！嗰屆係杜德偉、蘇永康和林楚麒，仲有草蜢、周慧敏和李克勤，李克勤同我一樣入唔到15名。」他說年輕時有膽有衝勁，參賽唱《夏日寒風》，差不多10年冇唱過。出新歌想向樂壇發展？他說：「唔係，首歌其實放低咗5年，嗰時唱唔到因為喉嚨生繭，之後拍劇一部接一部，唱歌意欲又放低咗。啱啱疫情我喺內地工作停晒，諗番起呢首歌好正能量，依家負能量咁多，不如試吓唱正面啲嘅歌。」

他說在內地舉行過發布會，亦成為足球協會的會歌，嘉年在旁即隆重介紹：「樂壇新人，郭政鴻，今晚喺度派台。」十分搞笑，郭政鴻亦笑言第1次在港獻唱新歌，不知會否「趕客」，又笑言行「實嘔派」形像。嘉年透露他們將會在節目上合唱多首舊歌，郭政鴻亦讚嘉年聲線好靚，骨子裏都是一個歌手。