陳茵媺搞生日會賀囝囝6歲　細女忍唔住偷食萌爆

藝人陳豪與陳茵媺（Aimee）嘅二仔陳浩鋒（Nathan Lucas）日前迎來6歲生日，身為廿四孝媽咪嘅Aimee，除咗準備氣球及囝囝最愛嘅蜘蛛俠做布景板外，當然唔少得親手整愛心生日蛋糕。今日佢喺社交網晒出當日慶生短片，片中壽星仔Nathan見到煙花蠟燭點燃後，興奮地手舞足蹈，而三女Camilla更試圖偷食蛋糕，十分可愛。

Aimee以英文留言：「2月26日，對於這個家庭來說是非常特別的一天，6年前我們的第二位王子出生了。生日快樂，一個說話溫和、善良而可愛的男孩，總是把別人放在首位。 你的出生是我每天感恩的事情之一！」