伊能靜撐阿仔做自己　哈利再晒濃妝易服照

台灣女星伊能靜與前夫庾澄慶育有18歲兒子哈利，近年哈利經常喺社交網大晒易服照，震驚一眾網民，令其性向成疑。自從佢被網民起底、引起網上熱議後，就變得較少分享女裝照，未知係咪承受唔到網民批評。但媽媽伊能靜一直都鼓勵阿仔繼續做自己，呢日佢再喺限時動態上載一段易服片段，片中佢化濃妝、戴上黑色長直假髮，仲身穿白色喱士吊帶裙，對住鏡頭吞雲吐霧，又大擺托頭Pose盡現媚態。