真空咁激？陳瀅酒店隔離浸泡泡浴打發時間

藝人陳瀅日前由加拿大返港，現正於酒店接受隔離，雖然佢要留喺酒店大半個月，不過佢都好識搵細藝打發時間，見佢房中擺有健身器材，足不出戶都要做運動Keep Fit，仲自己Set機影相，相中佢着上白色綁帶中空上衣，疑似真空上陣「飛釘」，十分性感。佢仲留言話最近收到好多人問候關心，雖然隔離期間有時感到鬱悶，但都有啲美好嘅時光，如當佢浸泡泡浴、或酒店員工為佢送上Happy Hour靚酒及食物時，都令佢心情瞬間放晴。