同馬國明分隔兩地　湯洛雯晒定情公仔眼濕濕

藝人馬國明已出發去內地拍劇《白色強人II》，要暫時同女友湯洛雯（靚湯）分隔兩地，佢特意帶埋嘅定情公仔去，當做女友陪伴喺身邊，佢喺社交網留言：「隔離第1天……」點知佢哋分開都唔夠1日，靚湯已難掩相思之苦，晒出定情公仔獨角獸，但呢隻公仔卻趴喺枱上頭耷耷，似乎非常失落，佢留言一個眼濕濕嘅表情符號，正正表達佢此時此刻嘅心情。馬國明見女友咁難過，留言「慘慘豬」安慰對方，好多網民都話佢哋好癡纏，真係一日不見如隔三秋！