容祖兒睇戲睇到喊 單親家庭成長倍感母親的愛

20210303
東網電視
更多新聞短片
由內地女星張小斐主演嘅電影《你好,李煥英》成為話題,就連天后容祖兒喺內地錄完節目,都抽空去睇呢套戲,就因為咁,「容祖兒是張小斐的女兒粉」呢句搜尋字更成「熱搜」話題!
祖兒係性情中人,單親家庭長大嘅佢睇見片中講嘅母女情,就不禁落淚,佢喺社交網寫:「錄製完節目去看了想看很久的電影《你好,李煥英》,在電影院裏笑着笑着就哭了,看電影的時候非常感同身受,雖然說我是單親家庭,但是媽媽給了我不止雙倍的愛和安全感,讓我在成長中不比別的小孩少愛。在我心裏,媽媽是最最最偉大的女性角色,因為她也曾是別人的女兒,成為自己孩子的媽媽後,她要從頭開始學去做一個媽媽,這個過程有多難,只有媽媽知道。希望所有的媽媽都被時光溫柔以待,都能超開心。可能像看過電影的大家一樣,我也變成了張小斐女兒粉。」
《你》片係講述張小斐飾演嘅李煥英,同穿越過去嘅女兒成為閨蜜嘅故事,就連黃曉明、薇婭都讚過呢套電影。《你》呢套片喺今年內地賀歲檔票房第一位,截至今日票房逾49億人仔(約59億港元),亦係內地票房史上第三位!