夢想成真！楊潮凱收梁朝偉簽名海報

藝人陳家樂近日與偶像影帝梁朝偉合作英皇電影《金手指》，興奮得直呼「有心跳感覺」，更帶挈好友楊潮凱，幫對方圓夢！

楊潮凱於社交網大晒有梁朝偉親筆簽名嘅電影海報，並表示：「你哋係唔會明白我有幾興奮！係梁朝偉嘅親筆簽名呀！係梁朝偉嘅親筆簽名呀！係梁朝偉嘅親筆簽名呀！重要嘅事講三次！真係激動到想喊呀！」佢又答謝陳家樂幫忙索取偶像簽名，賣口乖指：「估唔到可以夢想成真！係幸福嘅感覺！陳家樂人又靚仔又有義氣。」