拒絕讓女兒出鏡搵錢 陳嘉寶唔見7位數

2021年03月03日 21:30
東網電視
更多新聞短片
藝人陳嘉寶(Anjaylia)與曾任模特兒的闊少老公黃頌祈三年抱兩,大女Hosanna現年2歲、二女Eliana只有5個月大,她自爆兩次懷孕體重同樣只增磅了8kg,生產後兩周,只欠0.7Kg便回復未生前身形,難怪懷二胎時完全無人知,她說:「如果唔係做呢行會放鬆啲,見格仔餅、雞蛋仔就好想食。早排電視劇《女人俱樂部》重播,好多人Inbox問我幾時會睇到我做戲?係咪唔做?成為我動力,我就同自己講,要格仔餅定要動力,動力成為我精神格仔餅。」
她自認是工作狂,希望做好事業,更簽了古天樂旗下Cool Style,她說:「世界對女藝人好嚴謹,女人結咗婚就叫『人妻』『人母』,唔見叫男人做『人父』『人夫』?湊小朋友就係放棄事業無上進心,出嚟做嘢又話唔理屋企人,覺得所有職場女性都遇到呢個問題。」她希望自己做人辦,告訴大家她都有夢想和堅持,亦作為女兒的榜樣。
近日她跟彭秀慧學戲裝備自己,有老公監管飲食外,還有姊妹閨蜜團「SÏXTERS」賴慰玲、陳瀅、蔡思貝、何雁詩、吳嘉熙的鼓勵:「佢哋好肉緊我出嚟,感情係真嘅。」笑言自己現在才是真正的BB:「以前成日叫我做Anjay BB,但我性格一啲都唔BB,真心覺得依家係BB,年紀老啲,重新出發嘅BB。」但她卻拒絕讓兩個女兒出鏡:「如果我肯post,錢會賺好多,followers都會升好多,粗略計,搵我報價,真係7位數無咗,一個女已無咗7位數,不過唔緊要,我會跑番個數返嚟。(老公幫手跑數?)佢都係模特兒前輩,不嬲好多人叫佢出活動和拍廣告,好多時搵佢唔係搵我,有時收到啲禮物,拆錯咗其實係畀佢。」
妝頭:Meegan Seak;Jamie Lee @ Hair
服裝:Alice & Olivia
場地:Artisan De La Truffe@海港城