深圳隔離晒床照！張曦雯終極素顏Look曝光

無綫性感女神張曦雯（Kelly）近年火速上位，天使面孔加上魔鬼身材，成為大家寵兒。有份拍新劇《白色強人II》嘅佢，同馬國明佢哋一樣，跟大隊到深圳開工，唔知幾時先返到香港。咁咪有排都見唔到Kelly？唔使擔心，佢會喺社交網報到。

深圳第一擊，佢唔係擺咩索女相，而係終極素顏示人！佢留言話：「第一日冇乜嘢好做，可以瞓到自然醒好幸福！」附上2張床照，只見佢唔同其他女星扮素顏，真正一啲化妝都冇，就算係咁，輪廓依然分明，真係天生麗質難自棄呀！

其實Kelly過往都有畀人話過變臉，佢都晒過童年照，證明自己向來都咁靚，今次再晒終極素顏無添加，唔少網民都話：「佢係真正天然美！」