吳孟達昔日陪老婆行街片段曝光 網友遺憾唔敢合照

20210304
東網電視
更多新聞短片
資深藝人吳孟達於上周六因肝癌逝世,網友紛紛悼念曾為大家帶嚟不少歡樂嘅佢,更有人晒出佢昔日陪太太侯珊燕行街嘅片段,分享舊日偶遇偶像嘅種種瞬間,令人不勝唏噓。
從網友晒出嘅片段中,見着上間條衫行街嘅達哥表現輕鬆,雙手擺後同侯珊燕並肩慢逛,網友又晒出2人身處麗港城餐廳用餐一刻,並留言分享指,達哥成日都同太太現身餐廳飲咖啡,恩愛非常。
不過網友亦遺憾自己雖然多次偶遇2人拍拖,自己就唔敢向對方索合照,惟有晒出昔日拍下嘅片段去悼念達哥。
另外,網友又晒出2020年吳孟達於高鐵上偶遇中國工程院院士鍾南山嘅合照,當時2人均精神不俗,神情輕鬆。