王梓軒唔止係神算軒　原來仲係食神！

講到王梓軒，佢最出名嘅，一定係嘅「神算」事件！話說喺佢主持嘅節目中，有嘉賓話每日打工抹窗賺到100蚊，呢個時候王梓軒彈出嚟話：「都唔係好差啫，一個月都賺到三萬蚊吖！」正確答案係3千蚊先啱，自此王梓軒被封為神算軒！

而日前喺節目《天天開運王》中，王梓軒又再發功，不過今次唔係做神算，佢係做食神！話說呢一集講到廚師用豬、牛、羊、雞、魚等煮出八款菜式，要嘉賓揀出2款做占卜，王梓軒就揀咗馬蹄同埋青菜，但佢就好認真咁話：「呢個應該係雞，呢個係青菜。」佢竟然將馬蹄認錯咗係雞，在旁嘅糖妹笑到傻咗！仲搞到李丞責師傅都忍唔住寸佢：「估唔到你除咗係神算之外，連飲食都有天分，呢個係馬蹄！」