做民調問大家想睇乜嘢！汪明荃自爆已學剪片

藝人汪明荃近年愛上玩社交網，佢仲自創「汪阿Tag」，成為圈中潮流！大家都知佢精益求精，佢就喺社交網拍片話一個月前開咗個短片頻道，話估唔到咁多人鍾意睇佢啲嘢！

佢跟住就同大家講做個民意調查，問大家最想睇佢拍咩類型嘅片，再決定擺放幾多時間落拍片度。最爆係，汪明荃真係活到老學到老，自爆現時正學剪片：「之前嗰幾條片都係我自己剪嘅，將12分鐘嘅片剪到6分鐘、或者2分鐘，並且要配合文字，我已經好努力學緊喇！」你都咪話佢唔犀利！