富貴陳楨怡食米芝蓮二星餐廳　晏仔人均1,200蚊

應屆香港小姐亞軍陳楨怡參選時已被揭家底雄厚，搞到大家都會留意到佢嘅富貴生活，好似早前佢生日就唔小心晒過豪華寓所，水晶牆一出震撼眾人，點知連佢食個晏仔都富貴過人！

近日佢去咗一間米芝蓮二星餐廳食Lunch，Tag晒地點咁騷靚相，見佢Post嘅餐廳食物夠晒的骰，加上裝修豪華，一睇就知唔平。原來佢去嘅呢間餐廳係打卡熱點，就算係閒日嘅午餐都Full Booking，港姐亞軍去到都要預早訂位，每個人平均消費更高達$1,200港元，認真嚇人！

之後佢又晒出自己10幾年前嘅畫作，更晒出佢10歲時第1次參加畫畫比賽嘅Catalogue，一展童年藝術天分。