鄭爽被全面封殺！出現一個鏡頭都要打格

內地女星鄭爽因代孕風波被打落「十八層地獄」，形象插入谷底，估唔到佢個樣連電視節目過鏡都要被打格，認真慘情。

話說喺內地熱播嘅劇集《我的時代，你的時代》第32集中，胡一天坐喺梳化睇電視，電視入面正播鄭爽主演嘅《微微一笑很傾城》，雖然係過鏡，但鄭爽個樣慘被Blur，唔細心睇都冇可能發現，真係連一個鏡頭都唔畀佢見街呀。有網民話劇組可以直接刪剪該鏡頭，點解要咁將鄭爽消失，令人大惑不解。

何止電視被消失，據知內地已將鄭爽全面封殺，就連外賣平台亦將佢列入黑名，只要輸入「鄭爽」2個字就唔可以落單。