龔慈恩細仔近照罕有曝光　高大靚仔激似韓星

藝人龔慈恩離婚後同一對仔女留喺香港生活，大女林愷鈴（Ashley）仲入埋娛樂圈，身兼模特兒同歌手。最近Ashley生日就同媽咪、細佬林卓毅一齊慶祝，又喺社交網上載慶生相，見到卓毅罕有出鏡！生得高大靚仔嘅佢，獲網友大讚似足韓國型男金秀賢，想睇有幾似就要去片喇！

藝人湯怡同麥秋成喺元宵佳節拉埋天窗，正式成為夫婦。目前懷有4個幾月身孕嘅湯怡，自爆尋日同老公拍拖入戲院睇戲嗰陣，攰到中途瞓着，咁孕婦易攰都係正常嘅！不過她日前同老公接受訪問嗰陣，就非常精靈，完全冇孕味，仲大爆原來第一次見麥秋成嗰陣曾經「彈鐘」！即刻去片睇吓！

金馬影后李冰冰近年為咗經營同圈外男友許文楠嘅姊弟戀，不惜正值事業高峰期放慢腳步，仲為咗捍衞愛情同男友名譽，多次訴諸法律。但女尊男卑、背景懸殊，加上不斷被人身攻擊，最終斷送4年情。想知道佢哋分手嘅詳情，就要睇今集《繽FUN主播室》喇！