即考隨機應變！蘇施黃送驚喜畀金燕玲險破功

前年戰勝子宮癌嘅藝人金燕玲，早前自爆證實患乳癌，幸得密友蘇施黃陪伴下積極抗癌。蘇施黃呢日喺社交網晒出一段早前趁對方入院時準備驚喜嘅片段，佢將家中用咗十幾年嘅焗爐換新，仲特意叫裝修師傅調校高度，方便金燕玲使用，咁就唔使對方咁辛苦烏低身，非常貼心。不過佢就話呢個驚喜差啲失敗，好彩佢識得隨機應變，先至令計劃力保不失：「銀毛玲入醫院，我諗住上星期一整個新焗爐佢，等佢出院返屋企見到好開心，點鬼估到佢星期三開刀，星期四就出院，仲要中午12點出院！好彩我都醒，其實安排了星期四下午來安裝個焗爐，我立即叫銀毛玲去午睡，佢瞓醒就見到新焗爐！」