【翻版泫雅】20萬人氣網紅形象百變　陳楨怡有Follow

27歲內地網紅王雪婷來自浙江，係一名時裝網店店主，不時喺社交網大派福利招客，五官精緻嘅佢，某些角度更激似韓國性感女神泫雅，吸引高達逾20萬追隨者，就連應屆港姐亞軍陳楨怡都有追蹤佢，認真魅力十足！無論清新甜美、型格帥氣、野性火辣，各種風格佢都完美駕馭，形象百變，又毫不吝嗇晒火辣身材，難怪冧掂咁多宅男粉絲！