搵錢唔係最重要　松岡李那疫市開餐廳為乜？

擁有33C蜜桃胸的日模松岡李那因疫情關係，一直留喺家鄉日本，估唔到佢近日原來「疫」流而上，喺社交網透露喺廣島創業開餐廳做老闆，雖然疫情下做生意的確唔容易，但佢好開心能夠邊做生意，邊陪伴家人，佢以英文留言：「我喺廣島開咗餐廳1個月，雖然依家係疫情關係，但有好多客人嚟幫襯。我好開心可以喺家鄉陪伴家人及朋友，其實之前我好少陪伴家人，之前細個嘅時候，我唔係同家人一齊住，但依家終於可以住埋一齊，都唔算太遲，我好開心可以過到我想要嘅生活。」相中所見，大玩自拍嘅佢，似乎身在餐廳影相，見到牆身用上粉紅色兼用花花做布置，一睇就知道呢個老闆幾有少女心！