【張曦雯後陸續有來】劉溫馨接棒玩「隔離床照挑戰」

無綫新劇《白色強人II》拉大隊北上深圳開工，馬國明要受同湯洛雯相思之苦，其他演員好似張曦雯咁都要喺酒店隔離21日。繼張曦雯日前上載素顏床照後，今次輪到同劇嘅劉溫馨，佢一樣都係晒床照。

不過劉溫馨就冇張曦雯咁大膽素顏，只見佢化咗淡妝瞓喺張床度，顯得好興奮，佢仲留言：「21天的隔離挑戰，進行中！」依家已經有2個靚女玩「隔離床照挑戰」，有網民估計胡定欣、唐詩詠、甚至陳豪、馬國明、郭晉安等男士都可能玩埋一份，叫大家留言睇挑戰喎！