二仔「揀老婆」！張栢芝大仔做潮人變攣毛「獨眼龍」

近日因參與內地真人騷《乘風破浪的姐姐2》人氣再度急升嘅張栢芝，雖然工作忙碌但點都會抽空同仔仔享受親子時間，尋日佢就帶咗大仔Lucas及二仔Quintus出街！現年13歲嘅Lucas愈嚟愈有個性，一身黑色打扮，不時雙手插袋行路，仲電咗頭攣髮，啲頭髮仲遮咗一邊眼，以「獨眼龍」造型示人，果然似足阿媽走在潮流尖端！

而Quintus身高開始直逼栢芝，不過依然仲有稚氣，被媽咪拍下「揀老婆」片段，事關佢揀麵包時有「選擇困難症」，栢芝笑佢每次都揀2個鐘，真係可愛又搞笑呀！