女仔都自嘆不如！王一博靠「對手」贏晒

女孩子除咗要保養個樣外，護理雙手都好緊要，因為可以看出你年齡！唔只女仔，男士如果擁有一雙充滿秀氣嘅手，都可以冧死女，就好似內地流量小生王一博咁，因為拍一個潔手廣告，佢雙手靚到成網民熱話，「王一博的手絕了」更上咗熱搜榜，認真犀利！

唔只廣告，其實平時見王一博唱歌、拍硬照都不時晒出又長又白又秀氣嘅雙手，齋睇仲以為係女仔手，有女網民仲話：「讓我作為女孩子自嘆不如，白皙且骨節分明！」又有人話從佢雙手搵到初戀感覺，王一博今次真係靠「對手」贏晒！