劉詩昆孫穎帶囡囡返香港　冇計劃擺百日宴

現年81歲嘅鋼琴大師劉詩昆去年榮升爸爸，其太太兼琵琶公主孫穎喺美國為佢誕下女兒劉蓓蓓（貝貝），當時因為疫情關係，一直留喺當地，直至上月佢哋一家三口終於返港。

日前見佢哋現身香港，出入有勞斯萊斯名貴房車代步，當時見劉詩昆坐喺車內，身旁有一位外籍家傭幫BB餵奶，而孫穎則拎住利是喺旁邊打點並準備上車，相信當時係隔離完畢準備返屋企。對於回港一事，孫穎承認已回港，但未有計劃補擺百日宴：「小朋友有皮膚敏感，自己有很多事情處理，為安全起見，不會補擺百日宴。（BB適應香港天氣？）挺好的，現時平安抵港，多謝關心，我會畀心機照顧貝貝。」

另外，孫穎又在朋友圈晒出自己及丈夫劉詩昆的童年照對比貝貝現在的嬰兒照片。