驚傳秘婚！Carman同Gordon婚照流出

女子組合Bingo成員Carman（關嘉敏）早前被傳暗撻《全民造星III》的CY後，狠撇地下情男友、組合天堂鳥成員Gordon，而他又速溝大埔LuLu（董嘉儀），四角關係錯綜複雜。雖然Carman和Gordon堅持沒拍過拖，只是好朋友關係，不過近日網上竟流出2人婚照，有網民留言：「Carman、Gordon秘密結婚了！」只見相中一對「過氣情侶」穿上結婚禮服，表現得如鬥氣冤家，Carman作狀扭前度耳仔，男方完全配合露出痛苦表情，另一輯相則是2人四目交投，以及身貼身的親密照。

對於傳秘婚，Carman唔知好嬲定好笑：「點解傳得愈嚟愈誇張，仲傳我結埋婚，其實嗰啲係劇照嚟嘅。」Gordon亦說：「呢啲結婚相梗係流啦！係流傳個流。」並指這輯相是拍攝公司投資的網絡大電影時所影： 「我做男一，佢做女一，劇情話我哋結婚，所以先有呢啲相啫。」問到和新歡大埔LuLu的感情進展？他說：「我好忙，唔得閒諗感情嘢，呢排兼顧太多嘢，要擺多啲時間喺工作上。」