湯怡佗B 4個月見肚喇！網友：終於唔係食太多

藝人湯怡上月與麥秋成奉子成婚，向來手腳纖瘦嘅佢，識得運用穿搭技巧，令懷孕4個月嘅佢，望落都仲未見肚，完全唔似有BB！

今日佢喺社交網上載一張着住婚紗嘅相，似係早前試婚紗時拍攝，見佢側側哋身咁企，輕撫肚仔，終於見肚，但手腳仍然好纖瘦，如果唔係刻意摸肚，真係零孕味，認真羨慕死人！唔少網友大讚佢佗B都佗得靚過人，又笑得特別甜，流露幸福人妻味道，更有網友笑言：「今次終於唔係食太多啦！」