意外拗柴唔郁得　李婷婷遇貴人送呢樣嘢解圍

意外嘅嘢隨時都會殺埋身，好似藝人李婷婷（Tina）咁，喺商場行行吓街都可以拗柴，即場痛到企唔穩，要坐喺樓梯抖抖，就喺呢個時候「貴人」突然出現：「當時真係痛到唔郁得，有個途人見到咁嘅情況，行埋嚟畀咗支新買嘅跌打藥油我，仲教埋點用，搽咗之後起碼郁得番，個途人仲千叮萬囑要買對波鞋着，咁啱我坐條樓梯隔籬就有得賣，都算係不幸中嘅大幸。」Tina坦言冇諗個會有人咁裝備齊全，隨身都會有支跌打藥油，仲大方送畀唔認識嘅人，經歷呢次事件之後，完全感受到香港人嘅愛心！